Një 40-vjeçar është arrestuar nga policia e Tiranës pasi lëvizte i armatosur dhe me lëndë narkotike. Ai u ndalua në një lokal në rrugën “Halit Bega”. Gjatë kontrollit fizik, policia gjeti dhe sekuestroi një armë zjarri pistoletë me krehër e municion luftarak dhe sasi lënde të dyshuar narkotike kokainë.
"Shërbimet e Sektorit për Hetimin e Narkotikëve në DVP Tiranë në vijim të punës për goditjen e paligjshmërive, bazuar dhe në inteligjencën informative se në një lokal në rrugën “Halit Bega” ndodhej një shtetas i armatosur, menjëherë kanë organizuar punën për kapjen e tij dhe kanë finalizuar operacionin policor të koduar “Klienti”. Në rrugën “Halit Bega”, shërbimet e Policisë kanë lokalizuar shtetasin Hasan Qazimi (G) dhe gjatë kontrollit fizik të tij, shërbimet e Policisë gjetën dhe sekuestruan, në cilësinë e provës materiale, një armë zjarri pistoletë me krëhër e municion luftarak dhe sasi lënde të dyshuar narkotike kokainë. Materialet i kaluan Prokurorisë.", tha policia.
