Gjatë një konference për mediat lideri i opozitës Sali Berisha ka hedhur akuza nda SPAK. “Aty kemi të bëjmë me një organizatë të marrë peng nga Edi Rama, të lidhur në krim njëri me tjetrin”.
Ndërkohë Berisha ka komentuar edhe procesin e përzgjedhjes së drejtuesve të rinj të policisë. “Kush po i përzgjedh drejtorët e policisë?” “Drejtorët e policive po i zgjedh klani i Troplinit dhe i Bajrëve”, tha kreu demokrat.
"A e dini se çfarë po ndodh këto ditë?
Kush po i përzgjedh drejtorët e policisë? Drejtorët e policive po i zgjedh klani i Troplinit dhe i Bajrëve.
Klani i Troplinit ka emëruar Neritan Nallbatin, Neritan Xibrakën, ish-bashkëpunëtorin e Hakmarrjes për Drejtësi, të nxjerrë nga Igli Toska nga policia e shtetit për bashkëpunëtor me këtë organizatë, për nxjerrje të sekretit te kjo organizatë.
A e dini ju se Ervin Toplini, ka përzgjedhur pasi mori Ilir Prodën e krimit, përfaqësuesin e bandave të Elbasanit drejtor policie, tani zgjedh Nallbatin me zgjedhë drejtorët e policisë.
A nuk janë këta organizatë kriminale?
Këta janë edhe më të ligj se ata që rrinë në ilegalitet.
Shumë më të ligj, se këta kanë pushtuar zyrat e shtetit, përdorin paratë e shtetit, janë kryekëput në shërbim të tyre." - u shpreh Berisha.
