Janë publikuar pamje nga momenti i sulmit me thikë që autor pati një 59-vjeçar drejt dy vajzave të rejave në Ferizaj të Kosovës. Në pamje shihet momenti kur dy vajzat 10 dhe 18 vjeç të cilat janë duke ecur në rrugë ndërsa autori u shkon nga pas dhe i qëllon me thikë. (VIDEO KETU)
Po ashtu ai ka qëlluar me thikë edhe dy djem të rinj, kalimtarë të rastit, të moshave rreth 29 - 32 vjeç. 4 të plagosurit janë dërguar në spital, dy prej të cilëve po trajtohen në Prishtinë. Motivet e krimit janë të paqarta. Policia e Kosovës tha se ngjarja ndodhi në rrugët “Enver Topalli”, “Halim Spahija” dhe “Ejup Statovci” në rrethana ende të pasqaruara.
“Pas një pune intensive të kërkimit, rreth orës 16:40 është arritur që në rrugën “Riza Matoshi” në afërsi të qendrës tregtare “Plus Market” të arrestohet i dyshuari E.S ( M/K) i moshës rreth 59 vjeç, i cili nën masa të sigurisë është shoqëruar në stacionin e policisë në Ferizaj. Hetuesit dhe krimteknikët rajonalë janë duke i ekzaminuar vendet e incidentit, ndërsa është gjetur edhe një mjet i mprehtë ( thikë) me të cilën dyshohet se është përdorur në rastet e sipër përmendura”, - tha zëdhënësi i policisë për rajonin e Ferizajt, Kanun Veseli. ©LAPSI
