Kanë mbërritur në mesnatë në Brindizi, (Itali) 7 emigrantët të cilët ishin vendosur në kampin e Gjadrit në Lezhë mësohet se kanë mbërritur rreth mesnatës në portin e Brindizit, në Itali teksa u nisën në orën 19:00 nga porti i Shëngjinit me anijen e rojes bregdetare “Visalli”.
Kthimi i tyre erdhi pasi Gjykata e Romës, seksioni i emigracionit, vendosi të pezullojë vendimin për ndalimin e tyre dhe çështjen t'ia kalojë Gjykatës Europiane të Drejtësisë. Konkretisht, gjyqtarët e Romës i janë drejtuar Gjykatës Evropiane të Drejtësisë duke kërkuar që të vendosë nëse prevalon ligji i qeverisë italiane për të ashtuquajturat "vende të sigurta", (që lejon një procedurë automatike dëbimi) apo vendimi i gjyqtarëve evropianë, sipas të cilit kërkesa e çdo emigranti duhet të vlerësohet rast pas rasti.
8 emigrantët mbërritën me anijen "Libra" të marinës italiane mëngjesin e 8 nëntorit, njëri prej tyre u kthye drejt Italisë për shkaqe shëndetësore ndërsa 7 të tjerë u akomoduan në Gjadër. Vendimi i qeverisë Meloni që ndryshoi listën për “vendet e sigurta” disa ditë më parë nuk konsiderohet ende i ligjshëm, sepse sipas gjykatësve të Romës, duhet përshtatur me listën e Bashkimit Europian.
