Aktorja Rachel Zegler reagoi së fundmi në lidhje me komentet e saj për Donald Trump dhe mbështetësit e tij.
Ajo kërkoi falje përmes Instagramit të saj, pak pasi komentatorja konservatore Megyn Kelly bëri thirrje që ajo të hiqej nga ritregimi live-action, Snow White.
“Unë i lë emocionet e mia negative të më ndikojnë ”, u shkroi Zegler 2.3 milionë ndjekësve të saj në Instagram të enjten.
“Urrejtja dhe zemërimi na kanë bërë të largohemi gjithnjë e më shumë nga paqja dhe mirëkuptimi, dhe më vjen keq që kontribuova në diskursin negativ.”
“Kjo javë ka qenë emocionale për shumë prej nesh, por unë besoj fuqimisht se secili ka të drejtën e mendimit të tij, edhe kur ai ndryshon nga i imi,” vazhdoi ajo. "Unë jam e përkushtuar të kontribuoj pozitivisht drejt një të nesërme më të mirë."
Pas fitores së Trump, aktorja 23-vjeçare u shpreh e tronditur që duhej të jetonte “katër vite të tjera urrejtjeje” dhe uroi që mbështetësit e Trump “të mos e njihnin kurrë paqen”.
“Ekziston gjithashtu një sëmundje e thellë, e thellë në këtë vend që tregohet në numrin e madh të njerëzve që u paraqitën për këtë njeri që kërcënon demokracinë tonë”, shkroi ajo në Instagram.
