Diddy, ka paraqitur së fundmi një kërkesë të tretë për lirim me kusht në pritje të gjykimit për akuzat për trafikim seksual.
Ai kritikon ashpër prokurorët, duke pretenduar se taktikat dhe strategjitë e tyre mediatike tashmë kanë “shkatërruar reputacionin e tij”.
Artisti dhe sipërmarrësi 55-vjeçar, emri i vërtetë i të cilit është Sean Combs, akuzohet për drejtimin e një sipërmarrjeje kriminale të përfshirë në trafikun e seksit, por ai këmbëngul se akuzat janë “fiktive”.
Ekipi ligjor i Diddy-t argumenton se akuzat, të cilat përfshijnë organizimin e festave që quhen “Freak Offs” -orgji ku dyshohet se gratë drogoheshin dhe detyroheshin të përfshiheshin në akte seksuale– janë të ekzagjeruara dhe “të shtrembëruara në mënyrë teatrale” nga prokuroria.
“Perspektiva e një dënimi nuk i ndryshon materialisht stimujt e tij këtu, ku reputacioni i tij tashmë është shkatërruar nga akuzat e qeverisë dhe taktikat agresive të medias,”-thanë avokatët e Diddy në dosje. Ata theksuan se vetëm një shfajësim mund të fillojë të rivendosë imazhin e tij publik.
Një nga pikat qendrore në mbrojtjen e Diddy është përpjekja e tij për të diskredituar akuzuesit e tij, duke përfshirë edhe ish të dashurën e tij, Cassie Ventura. Avokatët e tij kanë argumentuar se Ventura, së bashku me një tjetër viktimë të supozuar, nuk ishte detyruar për të bërë asgjë.
Për më tepër, ata pretendojnë se pamjet e sigurisë që tregojnë një grindje mes Diddy dhe Ventura në Hotelin Intercontinental në vitin 2016 janë të manipuluara.
