Policia ka sjell detaje nga vrasja mesditën e sotme në Tropojë. Mësohet se një 35-vjeçar ka qëlluar me armë zjarri mbi një 43-vjeçar në një lokal. Sipas Policisë, vrasja ka ndodhur për motive të dobta, ndërkohë që autori është larguar nga vendngjarja.
Tropojë/Informacion paraprak Rreth orës 13:40, në një lokal në fshatin Dojan, dyshohet se shtetasi F. M., rreth 35 vjeç, për motive të dobëta, ka qëlluar me armë zjarri shtetasin A. D., rreth 43 vjeç, i cili për pasojë ka ndërruar jetë. Në drejtim të Tropojës janë nisur forcat operacionale të DVP Kukës, specialistët e Hetimit të Krimeve, dhe dy grupe të Forcës Kombëtare të Sigurisë Njësia Shkodër, për lokalizimin dhe kapjen e autorit. Ndërkohë, grupi hetimor nën drejtimin e Prokurorisë vijon punën për zbardhjen dhe dokumentimin e plotë ligjor të këtij rasti, si dhe shoqërimin e personave të tjerë të përfshirë në këtë ngjarje.
