Një shqiptar raportohet se është vrarë me thikë pasditen e djeshme, përpara një lokali në Bettola, një qytet i vogël në provincën e Piacenza.
Sipas medieve të huaja, shqiptari Nikolin Nika është goditur tre herë në qafë nga një ose më shumë autorë që u larguan nga vendngjarja. Kur në vendngjarje shkoi ambulanca, shqiptari gjendej i shtrirë në trotuar.
42-vjeçarin e dërguan menjëherë në spital, por fatkeqësisht plagët që kishte marrë rezultuan fatale për shqiptarin. Mjekët tentuan t’i japin ndihmën e parë, por 42-vjeçari nuk arriti që të mbijetojë.
Ndërkohë ende nuk është bërë e ditur se përse ndodhi ngjarja. Policia italiane ka nisur hetimet për zbardhjen e vrasjes dhe kapjen e autorit/ëv të krimit.
