Elton John nuk po kalon një periudhë të mirë shëndetësore.
Artisti zbuloi në një intervistë të për programin televiziv amerikan Good Morning se një infeksion i syrit e ka penguar të publikojë albumin e ri.
"Unë mund të bëj gjëra të tilla si kjo intervistë, por të shkoj në studio dhe të regjistroj, nuk e di, sepse nuk mund të lexoj as një fjali për të filluar. Është për të ardhur keq që diçka e tillë ndodhi dhe më fundosi, nuk mund të shoh asgjë, nuk mund të lexoj asgjë", u shpreh ai.
Vitin e kaluar, kompozitori pësoi një tjetër fatkeqësi shëndetësore kur u shtrua për pak kohë në spital pasi rrëshqiti në vilën e tij në Nice të Francës.
“Mund të konfirmojmë se pas një rrëzimi dje në shtëpinë e tij në jug të Francës, Eltoni vizitoi spitalin lokal si masë paraprake”, tha përfaqësuesi i John për Page Six në atë kohë.
“Pas kontrolleve, ai u lirua menjëherë sot në mëngjes dhe tani është kthyer në shtëpi dhe me shëndet të mirë”.
Ai gjithashtu luftoi fshehurazi me kancerin e prostatës në vitin 2017 dhe iu nënshtrua një operacioni për të hequr gjëndrën.
