Prokuroria e Tiranës ka dërguar në gjyq një shtetas nga Izraeli dhe 38 shqiptarë të cilët krijuan një skemë mashtrimi me call center. Dëmi i shkaktuar nga ky mashtrim kap vlerën e 2 milion eurove.
Drejtuesi i skemës ishte shtetasi izraelit, Rafael Genish dhe pjesë e saj ishin edhe 38 shqiptarë të cilët kryenin mashtrimet në grup. Paratë e fituara pastroheshin përmes transfertave fiktive në banka të vendeve me risk të lartë për pastrim parash, si Lituania, India dhe Malta.
Prokuroria ka sekuestruar skedarë me dokumenta në formatin excel të cilat përmbajnë lista emërore, kontakte (email, nr telefoni) të shtetasve të huaj që përdorenin për t'i telefonuar dhe joshur për investime fiktive.
