Egnatia ka marrë një fitore të rëndësishme 3-1 ndaj Elbasanit në sfidën e javës së 15 të kampionatit, duke thelluar më tej krizën për verdheblutë. Fitorja në Rrogozhinë u sigurua falë dy golave të shënuar nga Regi Lushkja, ndërkohë që Jahaja, i futur nga stoli, vulosi rezultatin në minutat e fundit.
[video width="740" height="360" mp4="https://cdnimpuls.com/lapsi.al/wp-content/uploads/2024/11/674b08bf4765d.mp4"][/video]
Lushkja shënoi golin e parë në minutën e 12' pas një gabimi të Abalorës, duke i dhënë avantazhin Egnatias që në fazën fillestare të takimit. Elbasani reagoi shpejt dhe barazoi me Lajthian vetëm 9 minuta më vonë, duke mbajtur ende të hapur ndeshjen. “Sipas meje skuadra ka bërë mirë - tha tekniku i Elbasanit Roberto Bordin -. Në pjesën e dytë rrezikuam pak para golit të tyre, bëmë një ndeshje të mirë në të dy pjesët. Kemi bërë një ndeshje të mirë, siç e thashë. Nuk mund të shohim vetëm rezultatin. Nëse sheh gjithë ndeshjen kemi bërë një ndeshje të mirë".
Lexo më tej: Video/ Laçi thyen Skënderbeun e del nga zona e rënies: Gvozdenovic nuk pranon humbjen
"Janë gjithmonë të njëjtit të dëmtuar prej javësh. Dëmtimet janë probleme se nuk ke lojtarë në dispozicion. Djemve u them të çojën kokën, të shohin para se kemi bërë një paraqitje të mirë. Qartësisht kemi bërë gabime të vogla”, tha Bordin pas ndeshjes.
[video width="730" height="360" mp4="https://cdnimpuls.com/lapsi.al/wp-content/uploads/2024/11/674b0b59dc4f8-1.mp4"][/video]
NDESHJA E 100 E TETOVËS
Megjithatë, në pjesën e dytë vazhdoi dominimi i Egnatias. Lushkja shënoi sërish në minutën e 77' dhe i dha avantazhin rrogozhinasve. Në fund, Jahaja, i futur si zëvendësues, sigloi fitoren me golin e tretë dhe të fundit të ndeshjes së 100 të teknikut Edlir Tetova në pankinën rrogozhinase. “Mendoj që pjesën e parë nuk ishim në qarkullimin e topit, aq mirë për të ruajtur ritmin. Dhe për shkak se lojtarët e mesfushës së Elbasanit ishin në markim 1 me 1. I kërkovaa në pushim mesfushorët të bëjnë lëvizje të tjera në zona boshe, më pas çdo gjë e kishim nën kontroll", shpjegoi Tetova .
[video width="576" height="284" mp4="https://cdnimpuls.com/lapsi.al/wp-content/uploads/2024/11/674b1d04688a5-1.mp4"][/video]
Egnatia, me këtë fitore ngjitet në vendin e dytë, duke kaluar Vllazninë, ndërsa tani janë vetëm një pikë prapa liderëve të Partizanit, që do të luajnë nesër me Tiranën. Nga ana tjetër, Elbasani vazhdon të zhytet në krizë, duke mos arritur ende një fitore në fazën e dytë të kampionatit. Ky ishte i teti ndeshje pa fitore për verdheblutë, që tashmë rrezikojnë të humbasin edhe vendin e pestë në klasifikim.
