Ishte një dashuri e madhe, kështu mund të përmblidhet historia mes Wanda Nara dhe Mauro Icardi. Një marrëdhënie e mbushur me ulje-ngritje, ndarje dhe rikthime, tradhti të vërteta ose të supozuara, debate të ashpra dhe pajtime. Por tani gjithçka ka përfunduar dhe ndarja duket se po ndodh në mënyrën më të keqe të mundshme për një çift që, në fund të fundit, kishte fituar simpatinë e publikut dhe të fansave. Tashmë do të jetë një gjykatë që do të vendosë përfundimisht për fatin e kësaj marrëdhënieje, veçanërisht për çështjen e detyrimit të pagesës së ushqimit.
Wanda kërkon një shifër astronomike
Wanda Nara nuk heq dorë nga stili i saj i lartë i jetesës dhe dëshiron të mbajë standarde të larta për veten dhe për fëmijët. Për këtë arsye, ajo ka vendosur të bëjë një kërkesë të jashtëzakonshme ndaj avokatëve të ish-burrit dhe ndaj vetë lojtarit. Sipas mediave amerikane, veçanërisht gazetës Intrusos, Wanda ka kërkuar nga Icardi 300,000 dollarë në muaj si pagesë për ushqimet.
Lexo më tej: Wanda Nara denoncon ish-burrin, Mauro Icardi: i ka përvetësuar 70.000 dollarë
Icardi: “Çmenduri”
Lojtari i Galatasaray, përmes avokatëve të tij, e ka cilësuar si të çmendur këtë kërkesë dhe ka deklaruar se nuk ka ndërmend të paguajë një shumë të tillë. Ai ka bërë të ditur gjithashtu se do të pranojë të paguajë vetëm atë që do të vendoset nga gjykata. Për më tepër, avokatët e argjentinasit Icardi kanë akuzuar Wanda Nara për përvetësimin e të ardhurave nga qiratë e disa pronave, të cilat i përkasin edhe lojtarit. Lufta në distancë mes tyre duket se nuk ka fund.
