Refik Halili ka përjetuar një derbi të trazuar, atë të barazimit 0-0 me Partizanin, në fund të të cilit Tirana humbi edhe një 11 metërsh. Presidenti bardheblu përvec se lëshoi një deklaratë të bujshme pas ndeshjes, me akuza për të gjithë, nuk është mjaftuar me aq. Halili ka ndërhyrë në lidhje telefonike në Rubrika Sportive në RTSH, duke debatuar pa ndalim goditjesh me ish-arbitrin Klajdi Kola, që bën specialistin e moviolës për transmetuesin.
Presidenti i Tiranës, Refik Halili, akuzoi arbitrat në përgjithësi se marrin urdhëra për ndeshjet dhe pastaj e ktheu në personale me moviolistin Kola. Numri 1 i klubit bardhebluka rezerva për menaxhimin e ndeshjeve nga FSHF, por më tepër është një sulm në tym, pa emra të vërtetë apo pa e thënë specifikisht se kush, sipas tij, po sulmon Tiranën.
JA ÇFARË NDODHI NË STUDIO
Kola: Të themi tani “marrin urdhra, s’marrin urdhra” pa fakte, kjo është e rëndë. Unë jam gjithmonë për pjesën e arbitrave, për pjesën teknike të rregullores në fushën e lojës. Pjesa tjetër pastaj duhen fakte që të vërtetohen, nuk merren me mendime.
Halili: Ju Klajdi kujtoni se unë i kam harruar se pse ike ti nga arbitrimi. Kush ishin ata njerëz që të vinin në shtëpi ty dhe të hapnin derën dhe të thoshin do ta bësh ndeshjen kështu?
Kola: Mos keni ngatërruar adresë…
Halili: Pse ke ikur nga arbitrimi ti mo, pse ke ikur?
Kola: Është shumë e ulët për një president të bëhen këto….
Halili: Do të vij në emision.
Kola: Nuk bëj diskutime me njerëz joteknikë unë, dua njerëz teknikë.
Halili: Do të vij në studio, por po i jap njëçikë përgatitjet Klajdit, të marrë masa. Të marrë ndeshjen në Durrës kur ne shkonin e luanim vjet. Dhe para se të loznim me Ballshin e na thanë Behiratçe do të dalë më të kuqe, Hasani me të verdhë, filani nuk do lozë. Po qesh ti se të vjen mirë, kujton ti se flemë gjumë neve. E dimë…
Kola: Është shumë e ulët që një president të bëjë këto deklarata.
Halili: Do ti nxjerr unë të gjitha çfarë kë bërë në kampionatin shqiptar.
Kola: Ky është problemi juaj, nuk është problemi im. Unë as nuk jap e as nuk heq penallti, thjesht citoj rregulloren në një studio sportive.
Video/ Debati në studio mes presidentit Halili e ish-arbitrit Kola
