Joe Biden u duke se dremiti pak gjatë një takimi me liderët afrikanë. Sipas “The Telegraph” ai u fiksua nga kamerat duke mbyllur sytë për më shumë se një minutë. Presidenti amerikan, 82 vjeç, dukej i lodhur, por foli me zë të lartë gjatë samitit të mbajtur në Angola me presidentin e vendit dhe homologët e tij nga Zambia dhe Republika Demokratike e Kongos.
Gjatë fjalës së Philip Mpango, zëvendëspresidenti i Tanzanisë, Biden mbylli sytë dhe mbështeti dorën në fytyrën e tij dhe dukej se ishte në gjumë. Më pas ai u duk se u zgjua, para se të mbyllte sërish sytë. Megjithëse Biden mbante një kufje që zakonisht përdoret për përkthim, të gjithë pjesëmarrësit në panel flisnin në anglisht në atë moment.
Incidenti ndodhi në ditën e fundit të një udhëtimi tre-ditor në Angola, vizita e parë dypalëshe e Biden në Afrikë që nga marrja e detyrës në 2021. Biden është akuzuar se e ka zënë gjumi në disa ngjarje ndërkombëtare vitin e kaluar. Ai është përballur me kritika për moshën dhe gafat e tij në skenën botërore. ©LAPSI.al
