Një aksident i rëndë ndodhi mbrëmjen e kësaj të enjteje në aksin rrugor Gosë - Vilë Bashtovë në Kavajë.
Një automjet tip Ford, me drejtues një person me iniciale K. O, ka përplasur një automjet tip Peugeot të ndaluar në rrugë, për shkak të një defekti teknik por që nuk kishte ndezur sinjalet dhe që nuk kishte vënë sinjalistiken kufizuese/informuese në rrugë.
Nga përplasja, automjeti tip Peugeot, me drejtues shtetasin B.F, rreth 60 vjeç, është zhvendosur jashtë rruge duke marrë me vete edhe shoferin, i cili për pasojë ka humbur jetën rrugës për në spitalin rajonal.
Policia thotë se drejtuesi i automjetit tip Ford është shoqëruar në Komisariat për veprime të mëtejshme procedurale. Grupi hetimor ndodhet në vendngjarje dhe po punon për sqarimin e plote te rrethanave të ngjarjes. ©LAPSI.al
