Zyrtarë të OSBE/ODIHR kanë shkuar ditën e sotme në selinë blu ku po zhvillojnë një takim me përfaqësues të Partisë Demokratike. Sipas raportimeve takimi zhvillohet për të diskutuar mbi zgjedhjet e 2025-ës.
Në maj misioni i ODIHR pritet të aktivizohet për zgjedhjet e 2025, ku do të përcaktojë sesa do jetë numri i vëzhguesve. Po ashtu do të përcaktohet edhe shefi i misionit të ODIHR, që do të shikojë zgjedhjet e ardhshme, ku PD kërkon qeveri teknike si forma e vetme për zgjedhje të lira.
Ndërkohë për pak minuta në seli do të nisë edhe takimi i kryedemokratit Sali Berisha me drejtuesit politik të qarqeve. Takimi i demokratëve do të jetë për zgjedhjet e 2025, ku do të diskutohet edhe lidhur me mosbindjen civile të opozitës.
