Kreu i PD-së, Sali Berisha ka bërë akuza të forta ndaj kryeministrit Edi Rama. Në një takim me përfaqësues të shoqatës "Dhjetor 90", Berisha hoqi paralele mes Ramës dhe Enver Hoxhës.
"Narkodiktatori i Tiranës është një kukull, një argat i Vuçiçit që bën një luftë të pamëshirë, një luftë antikombëtare kundër Kosovës. Histori në një farë mënyre përsëritet. Enver Hoxha fillimisht ishte kundër Republikës së Kosovës dhe e vërteta ishte kundër krijimit të saj, shpalljes së saj, se sado që në pushtim, por liritë dhe të drejtave të shqiptarëve në Kosovë, ishin më të respektuara se liritë dhe të drejtat e shqiptarëve në Shqipëri" - tha Berisha.
"Edi Rama, duke parë Kosovën, një vend demokratik, dhe në të vërtetë, vendi më demokratik i rajonit, jo se po e tregojnë të gjithë treguesit që vlerësojnë demokracinë. E ka tmerr dhe bën gjithçka se si të ndikojë me Vuçiçin në destabilizimin e saj. Bën çdo gjë.
Quan veriun e Kosovës, tokën e askujt, Dnjeprin e Ballkanit, apo Doneskun" - tha Berisha.
"Tani së fundmi, ndaloi dhe himnin e dytë të shqiptarëve; Mora fjalë. Por a mund të ngrihesh ti kundër një kënge, që i kushtohet një burri që ka vendosur një kreshtë absolute botërore, heroizmi dhe guximi, sakrifice dhe atdhetarie, i shkrirë me 54 anëtarë të familjes në një kohë që mund të largohej, në një kohë që mund të dorëzohej. Dhe tani ajo këngë nuk duhet të këndohet. Mora fjalë është një këngë e kompozitorit Naim Gjoshi nga Elbasani, tani ajo shpallet këngë e ndaluar dhe Shkurte Fejza ‘non grata’ - tha Berisha. ©LAPSI.al
