Dëshmia e personit që e gjeti Antonion në makinë
“Nuk mund t’u besoja syve. I thashë: ‘Përshëndetje…’ për të parë nëse shoferi ishte ende gjallë. Por ai nuk u përgjigj menjëherë,” rrëfen Samuel Woods, personi që, ndërsa shëtiste qenin në pyllin Epping (Essex), u ndesh me makinën e shkatërruar që kishte dalë nga rruga. “Kishte një erë të fortë benzine,” vazhdoi ai. Nuk dëgjoi asnjë zë apo ndonjë shenjë të dhimbjes njerëzore dhe mendoi për më të keqen. Kur pa Antonion të zhvendosur nga sedilja e shoferit në atë të pasagjerit, mendoi me vete: “Është në telashe të mëdha.” Antonio kishte mbetur i bllokuar mes llamarinave për rreth 45 minuta, derisa zjarrfikësit arritën ta nxirrnin nga makina dhe paramedikët i dhanë ndihmën e parë gjatë transportit urgjent për në spital.Në gjendje shoku: “Ku jam?”
Lëndimet e pësuara nga sulmuesi ishin të rënda: ai iu nënshtrua një operacioni për frakturat e këmbës që kishte marrë nga aksidenti. Klubi konfirmoi se nuk është në rrezik për jetën, por mbetet nën vëzhgim të rreptë, pasi gjendja e tij mbetet e ndërlikuar. “Kam dëgjuar sirenat dhe i thashë se ndihma po vinte, por Antonio ishte aq i trullosur dhe në gjendje shoku sa nuk e kuptonte as çfarë i kishte ndodhur. Vazhdonte të pyeste: Ku jam? Çfarë po ndodh? Në çfarë makine jam?” tha Woods. Antonio dukej plotësisht i çorientuar. “E gjeta në anën e pasagjerit. U përpoqa t’i tregoja për aksidentin, por ai vazhdonte të shikonte përreth, duke u përpjekur të kuptonte çfarë kishte ndodhur.” Aktualisht, gjendja e tij është e qëndrueshme pas operacionit dhe është i vetëdijshëm. Megjithatë, e pret një periudhë e gjatë rikuperimi dhe nuk dihet nëse apo kur do të rikthehet në fushë. Por ajo që ka rëndësi tani është se është gjallë.𝐂𝐥𝐮𝐛 𝐒𝐭𝐚𝐭𝐞𝐦𝐞𝐧𝐭 - 𝐌𝐢𝐜𝐡𝐚𝐢𝐥 𝐀𝐧𝐭𝐨𝐧𝐢𝐨 𝐔𝐩𝐝𝐚𝐭𝐞 West Ham United can confirm Michail Antonio has undergone surgery on a lower limb fracture following a road traffic accident on Saturday afternoon. Michail will continue to be monitored in hospital over… pic.twitter.com/vg7vQbjssU
— West Ham United (@WestHam) December 8, 2024
