Një shpërthim i fuqishëm ka nodhdur në një fabrikë Eni në zonën e Firences.
Mediat italiane raportojnë se njarja ka ndodhur rreth orës 10.20 të mëngjesit të sotëm dhe për momentin dy persona kanë mbetur të vdekur, ndërsa të paktën shtatë kanë mbetur të plagosur, dy në gjendje kritike për jetën.
Zhurma e shkaktuar nga shpërthimi është dëgjuar deri në një kilometër larg vendit ku ndodhet uzina Eni. Disa impiante industriale në zonë u goditën nga vala goditëse e shpërthimit i cili theu xhamat e disa ndërtesave.
Kolona e lartë e tymit që del nga magazina, e shkaktuar nga zjarri i shkaktuar pas shpërthimit, është e dukshme edhe nga bashkitë fqinje dhe trafiku në autostradën A1 është mbyllur në të dy drejtimet në lartësinë e kryqëzimit Calenzano, ndërsa transporti hekurudhor në seksioni midis Prato Centrale dhe Florence Castello u pezullua pasi iu nënshtrua ngadalësimeve, vonesave dhe anulimeve.
Autoritetet nuk bëjnë me dije se përse ka ndodhur ky shpërthim, teksa banorëve iu është kërkuar të qëndrojnë në shtëpitë e tyre dhe të mbajnë dritaret mbyllur.
