Një ngjarje tragjike ka ndodhur në Klinë të Kosovës, ku si pasojë e një aksidenti të rëndë, një person ka humbur jetën dhe një tjetër ka mbetur i lënduar. Lajmi është konfirmuar nga policia. Sipas mediave të Kosovës, viktimë e këtij aksidenti është 21-vjeçari, Arianit Gashi, nga fshati Përqevë i Klinës.
Ndërsa, personi i lënduar është 19-vjeçari, E. Gashi, i cili ishte pasagjer në automjetin e aksidentuar. Sipas informacioneve zyrtare, mëngjesin e sotëm, 19-vjeçari i cili ka mbetur i lënduar, është paraqitur në Qendrën Mjekësore në fshatin Volljagë të Klinës.
Mjeku ka njoftuar policinë se personi i lënduar ka qenë i përfshirë në aksident. Me të marrë njoftimin, njësitet policore kanë shkuar në vendin e ngjarjes, ku është gjetur i pajetë brenda makinës edhe 22-vjeçari.
Policia nuk kanë dhënë ende një informacion zyrtar në lidhje me kohën kur ka ndodhur aksidenti. Në mediat e Kosovës raportohet se ngjarja tragjike ka ndodhur që mbrëmjen e së shtunës dhe viktima ka mbetur i bllokuar në veturë për orë të tëra. ©LAPSI.al
