Një çështje penale në Nju Meksiko kundër aktorit Alec Baldwin që rrjedh nga të shtënat fatale në xhirimet e filmit të tij "Rust" në vitin 2021 përfundoi të hënën, me një prokurore që hoqi dorë nga ankesa e saj për pushimin e çështjes.
Prokurorja speciale Kari Morrissey e tërhoqi atë apel, sipas një deklarate nga zyra e Prokurorit të Rrethit Gjyqësor Frist.
Avokatët e Baldwin, Luke Nikas dhe Alex Spiro thanë në një deklaratë se "vendimi i sotëm për të hedhur poshtë apelin është shfajësimi përfundimtar i asaj që Alec Baldwin dhe avokatët e tij kanë thënë që nga fillimi - kjo ishte një tragjedi, por Alec Baldwin nuk kreu asnjë krim".
Hutchins vdiq kur Baldwin i drejtoi një armë teksa vendosën një kamerë në një set filmi pranë Santa Fe.
Arma kishte fishekë të vërtetë të ngarkuar pa dashje nga shefja e armëve të filmit, Hannah Gutierrez.
Gutierrez u akuzua për vrasje të pavullnetshme në mars dhe u dënua një muaj më vonë.
Aktori i "30 Rock" mohoi të kishte tërhequr ndonjëherë këmbëzën dhe tha se kishte si qëllim ta drejtonte atë nga kamera.
Megjithatë, FBI dhe një ekspert i pavarur i armëve të zjarrit zbuluan se arma nuk do të qëllonts pa shtypur këmbëzën.
