7 persona, mes të cilëve 2 fëmijë kanë humbur jetën në një krim të rëndë pasditen e kësaj të mërkure në Cetinje të Malit të Zi. Policia njoftoi se është vënë në ndjekje të autorit të identifikuar si Aco Martinoviq (foto poshtë) nga Cetinja.
4 persona të të tjerë për të cilët thuhet se janë plagosur janë dërguar në Qendrën Klinike. Krimi nisi në tavernën "Velestovo" pranë një qendre sportive. Agjencia e lajmeve malazeze “Vijesti” shkruan se në atë lokal ka pasur një përleshje mes së cilës autori ka nxjerrë armën dhe ka qëlluar.
Aty autori vrau 4 persona dhe një kameriere dhe më pas shkoi në anën tjetër të qytetit në familjen e njërit nga viktimat ku vrau edhe 2 fëmijë. Policia malazeze apeloi që qytetarët të jenë të kujdesshëm dhe të qëndrojnë në banesat e tyre deri në sqarimin e situatës. Të gjitha njësitet policore janë në terren dhe po kërkojnë të vënë në pranga autorin.
Një gazetar i Vijesti shkruan se edhe autori është gjetur i vdekur në një vend tjetër, por lajmi nuk është konfirmuar ende. Ai është një person me precedentë penalë, i arrestuar edhe të paktën 2 herë të tjera. ©LAPSI.al
