Konfirmimi i vrasjes nga i vëllai në rrjetet sociale
Jack Bech, vëllai i Tiger, shprehu dhimbjen e tij në rrjetin social X, duke konfirmuar vdekjen e Tiger në mbrëmjen e vonë të 1 janarit: “Do të të dua përgjithmonë, vëlla! Më ke frymëzuar çdo ditë, tani mund të jesh gjithmonë me mua. E mbaj me krenari këtë ‘T’ të familjes sonë, mos u shqetëso. Kjo është për ne,” shkroi ai duke ripostuar një lajm zyrtar për viktimat e sulmit.Love you always brother ! You inspired me everyday now you get to be with me in every moment. I got this family T, don’t worry. This is for us ❤️ https://t.co/8sSFf564Mb
— Jack Bech (@jackbech7) January 1, 2025
Kush ishte Tiger Bech, ish-lojtari i futbollit amerikan?
Tiger Bech ishte i njohur në botën e futbollit amerikan për arritjet e tij sportive. Ai studioi në Princeton me bursë dhe u diplomua në vitin 2021, duke ndjekur një karrierë të suksesshme si marrës topash (receiver) me 53 pritje për 825 jardë dhe tre touchdown. Në vitin 2023, ai vendosi të tërhiqej nga futbolli dhe filloi të punonte si tregtar në kompaninë “Seaport Global” me seli në New York, por vazhdoi të mbështeste nga afër karrierën e vëllait të tij, Jack, i cili aktualisht luan për TCU Horned Frogs.Tragjedia në mëngjesin e Vitit të Ri
Sulmi ndodhi në Bourbon Street, në lagjen franceze të New Orleans-it, rreth orës 3:15 të mëngjesit të Vitit të Ri. Një kamion u përplas me turmën dhe drejtuesi i tij, Shamsud-Din Jabbar, filloi të qëllonte pasi zbriti nga automjeti. FBI konfirmoi se Jabbar mbante flamurin e Shtetit Islamik (ISIS) dhe kishte përgatitur eksplozivë artizanalë brenda automjetit, ku kishte fshehur gjithashtu një pistoletë dhe një pushkë gjysmë-automatike AR. Autoritetet e vranë sulmuesin në vend dhe e klasifikuan incidentin si akt terrorist, i cili shkaktoi gjithsej 15 viktima dhe 30 të plagosur.Ngushëllimet e New Orleans Pelicans për komunitetin e tyre
Ngjarja tronditi të gjithë botën sportive amerikane, përfshirë edhe ekipin e NBA-së, New Orleans Pelicans, të cilët shprehën dhimbjen e tyre teksa udhëtonin për në Miami. Pas përfundimit të ndeshjes, ata nderuan viktimat si në fushë, ashtu edhe në rrjetet sociale, duke shprehur solidaritetin e tyre me komunitetin e prekur nga kjo tragjedi. Fatmirësisht, asnjë nga miqtë, familjarët apo të afërmit e lojtarëve të Pelicans nuk u përfshi në incident."Devastated. Our hearts, prayers, and thoughts go out to all the families that are impacted by a senseless act of violence." -HC Willie Green pic.twitter.com/WDLszYVHXJ
— New Orleans Pelicans (@PelicansNBA) January 1, 2025
