Pas shume orë kërkimesh gjendet turistja austriake, e cila kishte humbur në gadishullin e Karaburunit.
Ajo është gjetur nga forcat e policisë së Vlorës dhe specialistë të ADZM midis gjirit të Gramës e gjirit të Anglezit në gjendje të mirë shëndetësore. Mësohet se aktualisht turistja po shoqërohet me gomonen e polices drejt Vlorës.
Shtetasja austriake humbi kontaktin me autoritetet dhe grupin e saj që nga pasditja e djeshme (3 Janar), ndërsa ndodhej në një guidë në gadishullin e Karaburunit. E njohur për terrenin e ashpër dhe natyrën e egër, zona është kthyer shpeshherë në sfidë për vizitorët e papërgatitur, duke përfshirë edhe raste të ngjashme me këtë.
