Dëshmia e Nuredin Dumanit, vrasësit me pagesë që tani është bashkëpunëtor i drejtësisë ka vazhduar me dyer të mbyllura në Gjykatën e Posaçme në procesin gjyqësor “Plumbi i Artë”.
Gjatë kësaj seance, Dumani është përballur me ata që i ka implikuar në krime të rënda, si vrasje dhe grabitje.
Por njëri prej tyre, Gentjan Sharra ka pretenduar se në kohën kur Dumani e përfshin në një nga grabitjet e Rinasit, ai kishte bizneset e tij dhe kishte fituar tendera me vlerë gati 2 milionë euro. Për më tepër, Sharra tha në seancë se posedonte një automjet me vlerë 50 mijë euro. Duke deklaruar një pjesë të pasurisë së tij, Sharra vë në dyshim vërtetësinë e dëshmisë së Nuredin Dumanit që e përfshin në një grabitje për të fituar disa mijëra euro.
https://lapsi.al/2022/06/29/patronazhisti-gent-sharra-nga-grabitjet-me-dumanin-te-perfitimi-i-fondeve-publike-ne-elbasan/
Po ashtu, Petrit Qoli, një tjetër i arrestuar, ka thënë se është mbajtur në arrest për tre vjet për shkak të deklaratave të Dumanit dhe se kjo ka lënë jashtë një grua që ai e dashuron.
Ndërkohë, Enver Diva i ka kërkuar gjykatës që, pas përfundimit të dëshmisë së Dumanit, e cila po kontestohet nga të arrestuarit dhe avokatët, gazetarët të lejohen në sallë për të raportuar versionin e tyre.
