Nuk kanë fund telashet për “yllin” e skuadrës së Chelsea, ukrainasin Mykhailo Mudryk. Aktualisht ai është pezulluar përkohësisht për shkak të dopingut, por duket se gjërat nuk po i shkojnë mirë as në jetën private.
“The Sun” shkruan se 24-vjeçari është braktisur edhe nga e dashura e tij, modelja ruse, Violetta Bert. Ata ishin lidhur muajt e fundit, por nuk e kishin bërë publike lidhjen e tyre. Tashmë pretendohet se Bert ka hequr dorë nga Mudryk duke shkuar në një arratisje romantike me futbollistin e Juventus, amerikanin Weston McKennie.
Sipas të njëjtave burime McKennie dhe Bert kanë qëndruar në vendpushimin e famshëm botëror të skive Courchevel. Ata filluan të ndiqnin njëri-tjetrin në rrjetet sociale në tetor dhe që atëherë kanë shkëmbyer pëlqime në postimet e tyre.
Ata shpërndanë fotografi nga pushimet e tyre në Alpet Franceze në internet, por McKennie e fshiu me shpejtësi të tijën nga faqja e tij.
As McKennie dhe as Bert nuk u shfaqën në postimet e njëri-tjetrit, por shpërndanë fotografi nga të njëjtat vende. Nuk është e qartë nëse dyshja janë zyrtarisht në lidhje për momentin. Modelja e cila mburret me 779 mijë ndjekës në Instagram ka hequr Mudryk nga ndjekësit e saj. ©LAPSI.al
