Armando Broja nuk gjen paqe. Pasi u rikthye nga dëmtimi i gjatë dhe u aktivizua në ndeshjen e Kupës që Everton luajti ndaj Peterbrough, ylli kuqezi u lëndua sërish.
Broja hyri në fushë në minutën e 68-të të ndeshjes, por pas më pak se 15 minutash pati një ndërhyrje nga një lojtar kundërshtar. Ndërhyrja nuk dukej e rëndë, por duket se Broja mbështeti keq këmbën në tokë.
Futbollisti u largua nga fusha me barrelë ndërsa në një moment mjekët i vendoën edhe maskën e oksigjenit. Rreth situatës së tij, klubi anglez do të sqarojë më shumë në ditët në vijim, kur edhe të kenë dalë përgjigjet e analizave mjekësore.
Broja kaloi te Everton, në formë huazimi nga Chelsea. Deri më tani, ai ka luajtur 5 ndeshje në kampionat, por pa lënë shenjë. ©LAPSI.al
