Mediat greke njoftuan se kryepeshkopi Anastas Janullatos u shtrua me urgjencë në sallën e operacionit të spitalit Evangelismo pasditen e së premtes, për t'iu nënshtruar një operacioni në sistemin gastrointestinal. Siç raportojnë mediat greke kryepeshkopi ka pasur gjakderdhje gastrike, të cilën mjekët u përpoqën ta trajtojnë që në momentin e parë.
96-vjeçari kishte shfaqur një përkeqësim të shpejtë të shëndetit dhe orët e fundit ishte intubuar dhe është transferuar në Repartin e Kujdesit Intensiv të spitalit Evangelismo që prej të premtes së kaluar, kur u transferua në Athinë nga Tirana me avionë të Forcave Ajrore.
Prej datës 30 dhjetor ai ishte i shtruar në një klinikë në Tiranë. Diagnoza fillestare ishte një virus sezonal.
Por ajo ç'ka bie në sy është hidhërimi që ka prekur personalitete të jetës publike në Grequ, veçantërisht të politikës grekel. Që nga e premtja, Janullatos është vizituar në spital nga kryeministri i Greqisë, Micotakis, kreu i SYRIZA, Sokratis Famellos, ministri grek i Arsimit dhe Çështjeve Fetare, Kyriakos Pierrakakis dhe politikanë të tjerë. Janullatos u vizitua në spital edhe nga Fredi Beleri që u shpreh se “Për mua, Fortlumturia e Tij është babai im shpirtëror”.
Në Shqipëri, politikanët nuk pati ndonjë shqetësim të veçantë për shtrimin e kryepeshkopit në spital, edhe pse shëndeti i tij fillimisht ishte më i stabilizuar. Ditët e fundit pasi u shtrua në spitalin në Athinë, mjekët thanë se konsiderojnë kritike gjendjen e kryepeshkopit.
