Lapsi Video

Aplikacioni

Android iOS
Flash

Kvaratskhelia arrin akordin me PSG, tifozët e Napolit e "hedhin" në plehra

Lapsi.al 15 January 2025
Kvaratskhelia arrin akordin me PSG, tifozët e Napolit e "hedhin"
Rrugët e Khvicha Kvaratskhelia dhe Napolit duket se janë të destinuara të ndahen. Klubi napolitan ka arritur një marrëveshje me Paris Saint-Germain për transferimin e sulmuesit gjeorgjian për një shifër prej rreth 70 milionë eurosh plus pesë milionë bonuse, të cilat mund të arrihen lehtësisht. Kvaratskhelia është gati të nënshkruajë një kontratë katërvjeçare e gjysmë me një pagë prej nëntë milionë eurosh në sezon. Shifrat duket se do të zhbllokojnë tratativat, të cilat janë rindezur në ditët e fundit pas interesit të shfaqur nga Paris Saint-Germain gjatë verës. Sipas asaj që raporton L’Equipe, Kvaratskhelia pritet të mbërrijë në Paris të mërkurën, më 15 janar. Në mëngjes është planifikuar një takim i ri midis dy klubeve për të rafinuar detajet, pas së cilës lojtari i Napolit do të marrë miratimin për të udhëtuar drejt Francës dhe për t’u nënshtruar vizitave mjekësore rutinë.

Kvaratskhelia, tifozët e Napolit e “hedhin” në plehra

Dikur të dashuruar shumë. Historia e dashurisë mes Kvaratskhelias dhe Napolit është ndërprerë papritur për shkak të kalimit të gjeorgjianit te PSG-ja. Një operacion merkatoje i nisur dhe mbyllur në pak ditë, që ka befasuar tifozët napolitanë dhe vetë trajnerin Conte. Ky i fundit, para fitores ndaj Veronës, e bëri të qartë se lojtari kishte shprehur dëshirën për t’u larguar. Në qytet ka nisur tashmë protesta kundër lojtarit, i cili deri pak ditë më parë ishte idhulli i tifozëve. Por largimi i tij ka ndryshuar gjithçka, dhe Kvaratskhelia nuk do të mbahet më mend me krenari dhe dashuri nga ish-mbështetësit e tij.

Kvaratskhelia në plehra

Folklori napolitan ka dominuar protestën kundër lojtarit gjeorgjian, tashmë pjesë e PSG-së. Në rrjetet sociale janë të shumta postimet kundër sulmuesit anësor, si dhe video dhe foto të fanellave të hedhura. Por protesta më simbolike është ajo e një tifozi që hodhi në kosh një poster kartoni të lojtarit. Videoja e këtij gjesti është bërë virale midis tifozëve napolitanë: “Ke firmosur për PSG-në dhe sot në mëngjes kjo ishte mendimi im i parë. Shiko sa mirë dukesh këtu”. Bashkëngjitur videos ishte imazhi i posterit të hedhur në plehra. Në Napoli nuk e kanë pritur mirë këtë largim.

Të këshilluara

ide

Si po e çon Rama vendin drejt përplasjes civile

Insistimi në dhunë, në armatosje të civilëve, në pagesa të policëve si të ishin mercenarë, vetëm paqe nuk pjell. Frika e Edi Ramës se ku do të përfundojë kur të mos jetë kryeministër nuk ka pse të bëhet makthi i Shqipërisë

15:20 Armand Shkullaku

Pse guri dhe molotovi u bënë të pashmangshëm

Kjo revoltë rinore ka pasur një meritë të madhe. Ajo i bëri të njohur publikut të gjërë anën më kriminale të këtij regjimi që ishte deri më tani e konservuar në skutat më të fshehta. Nëse revolucioni ekstremisht paqësor i flamingove na tregoi se kjo qeverisje nuk ishte më popullore, epilogu i tij radikal, me gurë dhe molotov po shërben për të nxjerrë në dritë të diellit se autokrati është në gjendje të përdorë çdo mjet për të qëndruar në pushte

11:37 Andi Bushati

MOTI TIRANA

15°c

KËMBIMI EURO

91.10

aktuale

Ndiqe Lapsin edhe në

Me interes nga publiku

Me sytë katër

SPORT

Të tjerë artikuj

PAPARAZZI