Një zjarr ka përfshirë një banesë në lagjen “18 Shtatori” të Gjirokastrës, si pasojë e një mase elektrike në aspiratorin e kuzhinës.
Ndërhyrja e shpejtë e zjarrfikësve ka shmangur përhapjen e flakëve në pjesët e tjera të banesës.
Zjarri ka shkaktuar dëme materiale në kuzhinë, por është izoluar në kohë nga zjarrfikësit, duke parandaluar një tragjedi të mundshme.
Hetimet paraprake tregojnë se defekti në sistemin elektrik të aspiratorit ka qenë shkaku i zjarrit.
Fatmirësisht, nuk raportohet për të lënduar, ndërsa banorët dhe zjarrfikësit kanë bashkëpunuar për të minimizuar dëmet.
