Ndërkohë që Edi Rama po përgatit faljen e një copë territori në ishullin e Sazanit, me shpresë se do të ngjallë simpati në familjen Trump, është normale që të ngrihen pikëpyetje për ata që e rrethojnë në qeveri dhe në Partinë Socialiste.
Vërtet, s'ka më dyshime se Rama është gati të shkelë me dy këmbë interesin publik në këmbim të përfitimit personal. Por a ka ndonjë dyshim brenda grupit politik që ai udhëheq?
Për të kuptuar këtë, vlen të dëgjohet përgjigjia që dha Mimi Kodheli, ish-ministre e mbrojtjes në emisionin Log me gazetarin Endri Xhafo, i cili e ka pyetur se çfarë mendonte për marrëveshjen që po përgatitet për Sazanin. Në ato pak fjali që tha për këtë temë, Mimi Kodheli fillimisht u përpoq ta zhvlerësojë atë pjesë të territorit që do të falet për investime duke thënë se "Sazanin e kemi falë qeverisjes italiane si pronë tonën".
Më pas, kur paneli e saktësoi idenë e saj, se Italia kishte humbur luftën ndaj kishte lëshuar tokën e pushtuar, ajo vazhdoi duke duke thënë se në Sazan "ka pasur vetëm ferra dhe gjarpërinj". (VIDEO KETU)
Kuptohet se ish-ministrja e mbrojtjes ishte dakort me falien e një pjese të ishullit të Sazanit për investimin e përbashkët mes arabëve dhe kompanisë së Jared Kushner.
Idesë së saj se binte totalisht dakort me Ramën, Kodheli e përfundoi me dy pyetje retorike.
"Duam të zhvillojmë këtë vend? Apo do ti lëmë këto enklavat kështu…?!”, u shpreh ish-ministrja e Mbrojtjes.
Me logjikën e Kodhelit, nuk është çudi që së shpejti të falen edhe tokat në Dajt bie fjala. Edhe atje, kur shkon, vetëm ferra dhe gjarpërinj gjen.
