Një aksident me pasoja ndoshta të rënda është shmangur ditën e sotme në autostradën Lushnjë-Fier.
Mësohet se një makinë e cila ishte në parakalim përpak sa nuk u përplas me një kamion që transportonte tulla. Kamioni fatmirësisht ka devijuar duke dalë nga rruga. Nga pesha e madhe që kishte kamioni, tullat që po transportonte janë anuar dhe një pjesë e tyre kanë rënë në tokë.
Policia ka shkuar në vendngjarje dhe po kordinon trafikun në kryqëzimin e Savrës. Punonjësit e zjarrfikëses po heqin nga rruga mbetjet e tullave që janë rrezik për qarkullimin. Sipas të dhënave paraprake ka qenë shpejtësia dhe manovra e gabuar e autoveturës që shkaktoi ngjarjen, megjithatë ekipi hetimor është në terren për sqarimin e rrethanave.
