Këshilli i Lartë i Prokurorisë (KLP), zgjodhi ditën e sotme nënkryetarin e ri. Procesi i votimit u nda në dy raunde teksa në raundin e parë ishin tre kandidatë, jo magjistratë, Erjon Fejzulla, Erind Mërkuri dhe Erind Gërmenji. Fejzulla mori vetëm një votë ndërsa dy të tjerët nga pesë.
Kështu, Mërkuri dhe Gërmenji kaluan për në raundin e dytë aty ku Gërmenji mori gjashtë vota nga 11 anëtarët e Këshillit duke u zgjedhur kështu nënkryetar i KLP. Posti i nënkryetarit të KLP-së është mbajtur më parë nga ish-anëtari jo magjistrat, Tartar Bazaj.
Megjithëse gjashtë prej 11 anëtarëve të KLP vijnë nga radhët e prokurorëve, legjislacioni përcakton se pozicionet drejtuese duhet të mbahen nga anëtarët jo magjistratë.
