54-vjeçari Valter Lame, është gjetur i mbytur nga polumbarët e RENEA-s, pasditen e së premtes në rezervuarin e Kamenicës në Korçë. Ai ishte shpallur i zhdukur nga familjarët prej disa ditësh, ndërsa kërkimet për gjetjen e tij nisën pasditen e së premtes.
Në momentin e zbulimit të trupit në vendngjarje ka qenë edhe babai i moshuar i 54-vjeçarit, i cili ka treguar se i biri më parë ka pasur probleme shëndetësore, ndaj edhe ai e ka çuar atë disa herë në spital me urgjencë.
Gjatë momentit që i moshuari po tregonte për problemet e të birit ai ka mësuar se polumbarët kanë gjetur trupin e pajetë të tij.
Sakaq, ende nuk dihen rrethanat në të cilat 54-vjeçari ka humbur jetën, ndërsa hetimet nga autoritetet përkatëse vijojnë.
