Moti i keq në vend ka sjellë problematika të shumta në qytetin e Lezhës. Banorët e Lezhës përveç të ftohtit dhe motit të keq janë duke u përballur edhe me probleme me furnizimin me energji elektrike dhe uji.
Mësohet se mijëra banorë në Lezhë kanë mbetur pa energji elektrike që nga mbrëmja e djeshme. Raportohet se ndërprerja e energjisë elektrike ka ndodhur rreth orës 23:00. Mos të mjaftonte kjo qytetarët e Lezhës janë përballur edhe me mungesë të ujit të pijshëm. OSHEE kishte lajmëruar kthim të energjisë në orën 05:30, gjë që nuk ndodhi. Ende nuk ka një njoftim zyrtar se kur banorët do t’i kthehen normalitetit.
