Toka në Santorini nuk po gjen qetësi prej disa ditësh. Sipas raportimit të fundit, një tërmet me magnitudë 4.7 rihter ka ndodhur në zonën detare midis Santorinit dhe Amorgos pak para orës 20:00, sipas Institutit Gjeodinamik.
Sipas raportimeve, lëkundjet janë ndjerë në zonën e Atikës, madje edhe deri në Turqi. Brenda tre minutave pati dy lëkundje të reja 4.7 dhe 3.7 Rihter në zonën detare të Amorgos.
Deri më tani mbi 9.500 persona kanë lënë ishullin përmes detit, ndërkohë rrugicat janë të zbrazëta dhe dyqanet janë mbyllur.
Në Plazhin e Kuq ka rrëshqitje masive dheu dhe shkëmbinjsh, ndërkohë në shumë pjesë të ishullit janë vendosur shirita që paralajmërojnë rrezikun.
Mbi 6,400 tërmete ndodhën në zonën Santorini – Amorgos nga 26 janari deri më 3 shkurt.
Sipas të dhënave, më 2 shkurt kanë ndodhur mbi 1300 tërmete dhe më 3 shkurt mbi 1400 në rajon.
