Nënkryetarja e Bashkisë Tiranë, Anuela Ristani ka folur në ceremoninë e 105-vjetorit të Tiranës kryeqytet, ku mungonte kryetari Erion Veliaj, i cili u arrestua një ditë më parë me urdhër të SPAK. Ajo tha se askush s'e kishte menduar që do ishin në podium pesë nënkryetarët dhe se imazhi i pikturuar 24 orët e fundit, nuk përputhet aspak me imazhin e Bashkisë.
"Jemi të bindur se me ndihmën e kryeministrit, i cili ka qenë pranë nesh gjatë këtyre orëve të vështira, dhe të gjithë qytetarëve dhe bashkëpunëtorëve, do ta rimarrim ritmin e humbur dhe goditja e befasishme nuk do të na hutoje. Ne do të vazhdojmë të ecim përpara. Goditja e befasishme nuk do të na hutojë, por përkundrazi do të na motivojë", tha Ristani.
Kujtojmë që Anuela Ristani u caktua si pasuese e komanduar e Erion Veliajt pa u mbledhur më parë Këshilli Bashkiak sikundër e parashikon ligji.
