Sali Berisha shprehet se Edi Rama do ta vizitonte Erion Veliajn në burg në Durrës.
Sipas tij, Rama e anuloi vizitën në Durrës pas denoncimit të tij. Berisha thekson se Rama do i çonte Veliajt njerëz në burg për ta kërcënuar.
"Por nuk është vetëm kjo të dashur qytetarë.
Janë një seri e pafundme komunikimesh të Ramës me botën e krimit, zotime dhe angazhime të Edi Ramës për shpërblime me leje ndërtimi kundrejt shumave përrallore të lara në kulla dhe aktivizimeve në zgjedhje.
Pra në këtë aspekt bota e krimit po zien.
U njoftua se po shkonte në Durrës, e denoncova sepse dyshova shumë se po shkonte ti çonte Pojën Erion Veliajt. Dhe unë i jap paralajmërimin më të fortë Xhevdet Troplinit; të mos përzihet, të mos kërcënojë, se do të ketë pasojat më të rënda. Se nuk e çoi kot.
E anuloi vizitën, sigurisht se e denoncova në media, dhe e dinte se do të shkonit dhe ju pas, e skishte si të takohej me të.
Tani të dashur qytetare dhe qytetarë!
Halle, halle kjo dynja, halli, hallit nuk i ngjan. Edi Ramës i janë mbytur xhemitë .
Sot në sytë e botës ai është një kukull mjerane e Xhorxh Sorosit. Ai siç e patë ju, ka fshirë të gjitha fotografitë që ka pasur në Instagram me Alexis Soros, dhe me Yuri Kim." - u shpreh Berisha.
