Një 57-vjeçar është arrestuar nga policia e Korçës, pasi kërcënonte me thikë bashkëshorten dhe djalin e tyre. 57-vjeçari Bashkim Baçi ka rënë në pranga pasi një sherri për motive të dobëta. Gjatë grindjes ai ka kërcënuar të shoqen dhe të birin.
“Si rezultat i reagimit në kohë dhe veprimeve të shpejta, është kapur dhe arrestuar shtetasi B. B., 57 vjeç, për veprat penale “Dhuna në familje” dhe ” Prodhimi dhe mbajtja pa leje e armëve të ftohta”, njoftojnë blutë.
Shërbimet e Policisë kanë gjetur dhe sekuestruar në cilësinë e provës materiale mjetin prerës thikë. Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Korçë.
