Hipnotike në skenën e Aristonit, me këngën e saj Fuorilegge, Rose Villain tashmë ka pushtuar fansat, ndërsa koreografia e saj është bërë virale në rrjetet sociale. Ditët e fundit, këngëtares iu bë një pyetje intriguese: a do ta pranonte një fitore të saj në Sanremo në këmbim të rënies së Inter në Serie B? Ajo mendoi për veten dhe u përgjigj pa hezitim. Por tani, duket se ka vendosur të “shlyejë” këtë zgjedhje para tifozëve zikaltër, duke thumbuar Juventus përpara përballjes së madhe mes dy ekipeve në Torino të dielën mbrëma.
Rose Villain, thumbim i hapur ndaj Juventus
Juventus-Inter po afrohet me hapa të mëdhenj. Derbi i Italisë nuk është vetëm një sfidë në fushë, por një duel që zgjat gjatë gjithë vitit mes dy tifozërive, të cilat nuk humbasin asnjë rast për të thumbuar njëra-tjetrën. Rose Villain nuk është e pranishme vetëm në skenën e Ariston, por edhe në botën e futbollit, falë pasionit të saj për Inter.
Lexo më tej: Pretendoi racizmin kundër napoletanëve në Sanremo, Geolier këndon kore kundër Juventus
Në një intervistë për Radio Zeta, këngëtarja u rikthye te deklarata e saj e mëparshme për Inter, duke sqaruar: “Po bëja shaka sepse janë dy gjëra të pamundura: Inter nuk do të bjerë kurrë në Serie B dhe unë nuk do ta fitoj Sanremon”.
Më pas, për t’u ribërë qejfin tifozëve interistë, ajo shtoi një frazë që ndezi edhe më shumë rivalitetin: “Unë nuk vjedh kampionate dhe në Serie B nuk kam qenë kurrë.” Derbi i Italisë nisi që në Sanremo!
