Nje agjenci makinash me qera ka marrë flakë mesnatën e kësaj të hëne në Sarandë. Bëhet me dije se ngjarja ka ndodhur në hyrje të rrugës së katërt, lagja "Skënderbeu".
Sipas policisë mësohet se nga veprimet e hetimore të deri tanishme rezulton se zjarri nuk ka qenë i qëllimshëm, ndërsa dyshohet se zjarri ka nisur te kutia shpërndarëse.
Ndërkohë gjatë natës ka pasur edhe dy raste të tjera zjarresh në biznese. Një minimarket në qytetin e Librazhdit dhe një servis i pajisjeve elektroshtëpiake në qytetin e Gramshit janë përfshirë nga flakët.
