Një aksident i rëndë është shënuar ditën e sotme në Bulqizë. Një makinë tip "BMW" nga shpejtësia ka humbur kontrollin dhe ka përfunduar në një kanal anash rrugës.
Para se mjeti të binte në kanal ka rrëzuar dy pemë nga e cila është plagosur një grua e cila po lëvizte në këmbë në trotuar. Ajo është dërguar në spital për ndihmë mjekësorë.
Sipas mjekëve të spitalit të Bulqizës e plagosura ka marrë plagë të rënda në trup dhe për këtë arsye është nisur drejt spitalit të Traumës në Tiranë për një mjekim më të specializuar.
Ndërkohë në vendngjarje ka shkuar policia e cila ka nisur hetimet rreth shkaqeve të aksidentit si dhe ka shoqëruar drejtuesin e mjetit në polici.
