Një organizatë e trafikut të drogës është goditur nga policia e Durrësit gjatë 24 orëve të fundit, në operacionin e koduar “Winter”. Në pranga kanë rënë 13 persona, një është vënë nën hetim ndërsa një tjetër është shpallur në kërkim.
Nga veprimet hetimore dyshohet se këta shtetas, në bashkëpunim me njëri-tjetrin dhe individualisht, shitnin doza kokaine dhe kanabisi, në zona të ndryshme të Kavajës, kryesisht afër shkollave.
Janë sekuestruar në cilësinë e provës materiale 80 doza kokaine, 620 doza kanabisi, 2 peshore elektronike, pajisje për presimin e lëndëve narkotikëve dhe ndarjen e tyre në doza, shuma parash në euro dhe lekë dhe 19 celularë
Gjithashtu gjatë operacionit u sekuestruan 3 silenciatorë, 1 jelek antiplumb dhe pajisje për modifikimin e armëve të zjarrit, që u gjetën në një ambient në Kavajë, që dyshohet se ishte përshtatur për modifikimin e armëve të zjarrit.
