Inceneratori i Tiranës nuk është askund. Ky tanimë është një fakt i njohur dhe i pranuar nga të gjithë.
Afera gjigante zvarritet sa nga njëri fraksion në tjetrin te SPAK, me synimin final për të mos prekur kokën e “oktapodit”.
E pavarësisht kësaj buxheti i shtetit vijon të paguajë një vepër që nuk ekziston.
Video që shihni më poshtë është xhiruar sot nga varrezat e Sharrës, fare pranë vendgrumbullimit të plehrave aty ku sipas Ramës e Veliajt do duhej të ishte inceneratori i Tiranës.
Nuk është e vështirë të dallosh me sy të lirë pirgjet me plehra përreth varrezave.
Era e rëndë kundërmon kudo aty pranë dhe është e padurueshme jo vetëm për banorët në atë zonë, por edhe për qytetarët që shkojnë për disa minuta te njerëzit e tyre që prehen në banesën e fundit.
Landfilli i Sharrës duket se nuk po kryen më as kapsulimin e plehrave, jo më incenerimi i trumbetuar aq fort nga Organizata e Rilindjes dhe mediat e paguara nga inceneratorët. ©Lapsi.al
[video width="480" height="800" mp4="https://cdnimpuls.com/lapsi.al/wp-content/uploads/2025/02/WhatsApp-Video-2025-02-25-at-9.49.01-PM.mp4"][/video]
