Një shpërthim me lëndë plasëse ka ndodhur orët e para te mëngjesit të sotëm në Orikum. Si pasojë janë dëmtuar dy xhama të një pallati në katin e parë.
Informacion paraprak:
Sot, rreth orës 03:15, në qytetin e Orikumit, në një ngushticë pas një pallati, ka shpërthyer një sasi e vogël lënde e dyshuar plasëse, ku si pasojë janë dëmtuar dy xhama të pallatit në katin e parë.
Në vendngjarje ndodhet grupi hetimor, i cili vijon punën për zbardhjen e rrethanave të ngjarjes dhe identifikimin e autorit/ëve të dyshuar.
