Një shtetas britanik ka humbur jetën dhe një tjetër është plagosur pasi u goditën nga një ortek. BBC bën të ditur se ngjarja ka ndodhur kur dy personat po ngjiteshin në një ujëvarë të ngrirë në malin Gaustatoppen, në Norvegji.
Gjithashtu Eekipet e shpëtimit nuk kanë mundur të nxjerrin trupin e personit që humbi jetën prej ditësh, për shkak të kushteve të këqija atmosferike. Mediat lokale raportuan se një ortek goditi malin në provincën Telemark në Norvegjinë jugore. Ekipet e shpëtimit e transportuan alpinistin tjetër, i cili mbeti i plagosur, por jashtë rrezikut për jetën.
Ministria e Jashtme tha: “Ne po mbështesim familjen e një britaniku që ka vdekur në Norvegji dhe një britaniku që është plagosur dhe jemi në kontakt me autoritetet lokale. Kushtet mbizotëruese të motit, rreziku i ortekëve dhe aksesi e bënë një detyrë shumë të ndërlikuar dhe kërkuese për të hyrë dhe zbritur te alpinistët".
