GJKKO ditën e sotme ka miratuar vendimin e Apelit të Posaçëm për masën e sigurisë “arrest në burg” ndaj 35-vjeçarit Klajdi Merkaj. Gjyqtarët Ilir Panda, Albana Boksi e Medi Bici pasi shyqrtuan rekursin e depozituar nga avokati mbrojtës i Merkajt vendosën ta rrëzonin atë.
35-vjeçari, Klajdi Merkaj u ekstradua në 20 nëntor të vitit 2024 nga Italia në Shqipëri, pasi ndaj tij GjKKO kishte caktuar masën “arrest në burg”, për veprën penale “Pastrimi i produkteve të veprës penale ose veprimtarisë kriminale”, kryer në bashkëpunim.
Merkaj gjithashtu njihet si mik i ngushtë i vëllezërve Çopja. Nga hetimet e SPAK ai dyshohet se pastronte paratë e Hajdar dhe Franc Çopjas. Prokuroria e Posaçme sekuestroi 1 milion euro pasuri të vëllezërve Franc dhe Hajdar Çopja. SPAK me urdhër nga GJKKO sekuestroi llogari bankare, truall, ndërtesa, garazhe, duplekse dhe apartamente.
SPAK njoftoi se nga hetimet është zbuluar përdorimi i kriptovalutave nga ana organizatës kriminale, me qëllim realizimin e pagesave të ndryshme. Sipas organit të akuzës është ekzekutuar vendimi i gjykatës janë sekuestruar kriptovaluta me vlerë mbi 10 milionë dollarë. Po ashtu janë sekuestruar dhe pasuri të tjera të paluajtshme me vlerë 1 milion euro.
