Udhëheqësit evropianë kanë reaguar menjëherë pas sherrit Donald Trump – Volodimir Zelensky në Shtëpinë e bardhë.
Në një postim në X, kryeministri polak dhe ish-presidenti i Këshillit Evropian, Donald Tusk iu drejtua Zelenskit me fjalët: "Të dashur miq ukrainas, ju nuk jeni vetëm".
I pyetur për konfrontimin gjatë qëndrimit në Portugali, presidenti francez Emmanuel Macron u tha mediave franceze se “Rusia është agresori dhe populli ukrainas është ai që po sulmohet”.
Ai shtoi se vendet evropiane dhe aleatët e tjerë kishin të drejtë që ndihmuan Ukrainën 3 vjet më parë dhe sanksionuan Rusinë dhe do të vazhdojnë ta bëjnë këtë. Ai tha se se është e rëndësishme të "respektohen" ata që kanë luftuar që nga fillimi për dinjitetin e tyre, të drejtat dhe sigurinë e Evropës.
Kryeministri norvegjez Jonas Gahr Støre ofroi mbështetjen e tij për Zelenskyy dhe Ukrainën duke u shprehur: “Ne qëndrojmë pranë Ukrainës në luftën e saj të drejtë për një paqe të drejtë dhe të qëndrueshme”.
Kryeministri suedez Ulf Kristersson deklaroi: “Suedia qëndron me Ukrainën. Ju nuk po luftoni vetëm për lirinë tuaj, por edhe për të gjithë Evropën. Slava Ukraina!”
Presidenti i Lituanisë Gitanas Nauseda shkroi në rrjetet sociale: “Ukrainë, nuk do të ecësh kurrë vetëm”.
Ministri i jashtëm irlandez Simon Harris shkroi: “Ukraina nuk është fajtore për këtë luftë të shkaktuar nga pushtimi i paligjshëm i Rusisë. Ne qëndrojmë me Ukrainën”.
Mbështetje për Ukrainën shprehu edhe kryeministri i Spanjës, Pedo Sanchez. ©LAPSI.al
