Lapsi Video

Aplikacioni

Android iOS
Flash

Mbappé del nga fusha pa përshëndetur askënd: i pari që shkoi në dhomat e zhveshjes

Lapsi.al 5 March 2025
Mbappé del nga fusha pa përshëndetur askënd: i pari
Në euroderbin e Madridit, ylli i Kylian Mbappé nuk shkëlqeu si zakonisht. Të gjithë prisnin më shumë nga francezi, veçanërisht pas paraqitjes madhështore në “play-off” kundër Manchester City. Sidoqoftë, në “Bernabéu” ai ishte i zbehtë dhe i parashikueshëm, pothuajse i panjohur. Gabimet ishin të shumta dhe disa prej tyre mund të kishin ndikuar në rrjedhën e ndeshjes, ndaj pas vërshëllimës së trefishtë, ai uli kokën dhe u drejtua i vetëm për në dhomat e zhveshjes, pa përshëndetur askënd. Nuk festoi me shokët e skuadrës dhe nuk i dha dorën kundërshtarëve, siç është zakonisht praktika. Me një hap të vendosur, ai hyri menjëherë në tunelin e dhomave të zhveshjes, duke dhënë përshtypjen e një lojtari të tensionuar. Kjo skenë pasqyroi plotësisht natën e tij të vështirë, ku gjithçka shkoi keq, pavarësisht se në fund Real Madrid arriti fitoren. Megjithatë, Mbappé në fushë ishte inekzistent, ndoshta i penguar nga disa probleme, për të cilat as Carlo Ancelotti nuk deshi të fliste në konferencën për shtyp.

Mbappé largohet me kokën ulur

Edhe pse Real Madrid fitoi, francezi nuk mund të ishte i lumtur. Paraqitja e tij ishte zhgënjyese dhe në fund, nervozizmi e pushtoi plotësisht. Mbappé la fushën me kokën ulur, i tensionuar dhe i përhumbur në mendimet e tij. Nuk përshëndeti askënd, përveç disa anëtarëve të stafit të Realit që ndodheshin pranë tunelit. Nuk mori kohë për të festuar me shokët e skuadrës dhe nuk përshëndeti as lojtarët e Atlético Madrid, por u largua menjëherë për të shmangur gjithçka. Shumëkush mendoi se një dëmtim mund ta kishte penguar gjatë gjithë 90 minutave, por këtë hipotezë e hodhi poshtë vetë Ancelotti në konferencë: “A pati probleme fizike Mbappé? Jo, vetëm dhëmbi. Për këtë arsye nuk mundi të stërvitej për tre ditë”. Megjithatë, pamjet tregojnë një Mbappé të shuar, të shkëputur nga pjesa tjetër e skuadrës dhe shpesh jashtë pozicionit. Një ndryshim drastik krahasuar me dy javë më parë, kur ai ishte protagonist absolut në sfidën vendimtare kundër Manchester City.

Të këshilluara

ide

Jo dhunës, po organizimit!

Ajo që i duhet protestës sociale sot, më shumë se dhuna, është organizmi i një fronti të gjerë anti-sistem që bën bashkë përfaqësues të grupimeve të ndryshme sociale që emërues të përbashkët kanë pakënaqësinë me funksionimin e regjimit aktual politik dhe ekonomik. Ky front, që mund të quhet Fronti Flamingove, duhet të ketë përfaqësues nga studentët, pedagogët, ambientalistët, shoqëria civile, partitë e reja politike siç është Lëvizja Bashkë, punëtorët, fermerët dhe përfaqësues të komuniteteve të cilave po u grabiten tokat nëpërmjet modeleve të turizmit elitar

15:10 Blendi Kajsiu

MOTI TIRANA

18°c

KËMBIMI EURO

90.90

aktuale

Ndiqe Lapsin edhe në

Me interes nga publiku

Analiza/ Pse Perëndimi mbyll sytë për cenimin e demokracisë në Shqipërinë e Ramës

Në këmbim të besueshmërisë gjeopolitike, bashkëpunimit për emigrantët dhe kontrollit të kufijve, kryeqytetet perëndimore kanë toleruar centralizimin e pushtetit nga kryeministri. “Revolucioni Flamingo” ka vënë në pikëpyetje një pakt që rrezikon të nxisë pikërisht paqëndrueshmërinë që supozohej të parandalonte.

21:01 Gianluca Eramo

Me sytë katër

SPORT

Të tjerë artikuj

PAPARAZZI