Sekretari i Përgjithshëm i NATO-s, Mark Rutte do të vizitojë Kosovën më 11 mars.
NATO ka njoftuar se Rutte do të vijë në Prishtinë bashkë me zëvendëssekretaren e Përgjithshme të aleancës, Radmila Shekerinska, me të cilën do të do të vizitojnë KFOR-in dhe Ekipin Këshillues dhe Ndërlidhës të NATO-s (NALT).
Një takim Rutte do ta ketë edhe me presidenten Vjosa Osmani dhe kryeministrin në detyrë, Albin Kurti, ku do të zhvillohen diskutime dypalëshe.
Sipas njoftimit, shefi i NATO-s dhe Osmani do të mbajnë një konferencë të përbashkët për media në orën 14:50.
Përveç krerëve kosovarë, Rutte së bashku me ambasadorët nga partnerët kontribuues të trupave të KFOR-it do të zhvillojnë takim edhe komandantin e KFOR-it, gjeneralmajor Enrico Barduani dhe drejtorin e NALT-it, gjeneral brigade Christian Nawrat, si dhe do të kenë mundësinë të angazhohen me personelin e KFOR dhe NALT.
“Ata gjithashtu do të kenë një shkëmbim me shefat e misionit të Bashkimit Europian, ambasadorin Aivo Orav dhe Misionit të BE-së për Sundimin e Ligjit në Kosovë (EULEX), Gjeneral Major Giovanni Barbano, Përfaqësuesen Speciale të Sekretarit të Përgjithshëm të OKB-së dhe Shefen e Misionit të UNMIK-ut, znj. Caroline Ziadeh dhe ushtruesen e detyrës së Shefes së Misionit të OSBE-së, znj. Cornelia Taylor”, thuhet në komunikatën e NATO-s.
